فوجی کالے قوانین کے تحفظ کا سہارا لیتے ہوئے کشمیریوں کو جب چاہتے ہیں تہہ تیغ کرسکتے ہیں. یاسین ملک

  عاشق حسین راتھر کی بھارتی فوج کے ہاتھوں بہیمانہ ہلاکت نے ایک بار پھر ثابت کردیا ہے کہ یہ فوجی کالے قوانین کے تحفظ کا سہارا لیتے ہوئے کشمیریوں کو جب چاہتے ہیں تہہ تیغ کرسکتے ہیں۔ ہمیں اپنے جوانوں کی پرامن جدوجہد پر ناز ہے ۔رفیع آباد میں چیئرمین لبریشن فرنٹ یاسین ملک کا عوامی جلسے سے خطاب 17/فروری/ لانسر رفیع آباد کے معصوم عاشق حسین راتھر کی بھارتی فوج کے ہاتھوں بہیمانہ ہلاکت نے ایک بار پھر ثابت کردیا ہے کہ یہ فوجی کالے قوانین کے تحفظ کا سہارا لیتے ہوئے کشمیریوں کو جب چاہتے ہیں تہہ تیغ کرسکتے ہیں اور یہاں کے نام نہاد حکمران اور ہند نواز سیاست کار اس قتل عام کی پردہ پوشی اور اسے قانونی جواز فراہم کرنے پر ہی مامور ہیں۔ ان باتوں کا اظہار جموں کشمیر لبریشن فرنٹ کے چیئرمین جناب محمد یاسین ملک نے آج رفیع آباد میں منعقدہ ایک عوامی جلسے سے خطاب کرتے ہوئے کیا۔ یاسین صاحب جو کل ہی جموں کی عدالت میں پیشی سے فارغ ہونے کے بعد سری نگر پہنچے ہیں نے آج ایک اعلیٰ سطحی وفد کے ہمراہ رفیع آباد جانے کا فیصلہ کیا اور سیدھے لانسر ڈنگی وچھہ رفیع آباد پہنچے۔ یہاں یاسین صاحب معصوم شہید عاشق حسین کے گھر گئے اور وہاں اُن کے غم ذدہ والدین سے اظہار یکجہتی کیا۔ یہاں بھی ایک تعزیتی جلسہ منعقد ہوا جس سے یاسین صاحب نے خطاب کیا۔اس کے بعد یاسین صاحب اور دوسرے اراکین وفد کو ایک عوامی جلوس کی صورت میں وتر گام پہنچایا گیا ۔ دو کلومیٹر تک پیدل چلنے والے اس جلوس میں ہزاروں لوگوں نے شرکت کی اور اس میں شامل لوگ آزادی،شہداءاور قائدین کے حق میں نیز ظلم و جبر اور قتل عام کے خلاف فلک شگاف نعرے بلند کرتے ہوئے وتر گام پہنچے مرکزی چوک پہنچے جہاں اس جلوس نے ایک جلسے کی شکل اختیار کرلی۔ جلسے سے خطاب کرتے ہوئے یاسین صاحب نے چند روز قبل شہید کئے گئے معصوم عاشق حسین راتھر کو شاندار الفاظ میں خراج عقیدت ادا کیا۔ فرنٹ چیئرمین نے کہا ماضی میں بھی ہم نے بارہا کہا ہے کہ بھارتی فوج اور فورسز کے کیمپوں اور اہلکاروں نے خاص طور پر ہمارے گاﺅں جات میں رہنے والے لوگوں کی زندگیاں اجیرن بنارکھی ہیں۔ یہ کیمپ اور ان میں تعینات فوجی گاﺅں کے جملہ معاملات میںفرعونیت جیسا ماحول پیدا کرچکے ہیں۔ لوگوں کی عبادت سے لیکر معاشرت تک میں یہ فوجی بے جا مداخلت کرتے رہتے ہیں۔ یہ بندوق پسند (TRIGGER HAPPY)فوجی جب چاہیں کسی کو بھی اپنی گولی کا نشانہ بناتے ہیں۔جب ان کی مرضی ہو یہ لوگوں پر ڈنڈے،لاٹھیاں اور گولیاں برسانا اپنا حق سمجھتے ہیں۔ ایسا اس لئے بھی ہے کیونکہ ان لوگوں کو کسی مواخذے یا باز پرس کی بھی کوئی فکر اور ڈر نہیں ہے کیونکہ انہیںافسپا،پی ایس اے،ڈسٹربڈ ائریا ایکٹ ) (AFSPA ,PSA,DISTURB AREA ACT جیسے کالے قوانین کا تحفظ میسر رہتا ہے۔ یاسین صاحب نے کہا کہ جب ایک انسان کو حیوان بننے کے سارے ذرایع میسر رکھے جاتے ہیں اور پھر اُس کی حیوانیت کو نہ صرف قانونی تحفظ فراہم کیا جاتا ہوبلکہ اسے ” قومی“ خدمت قرار دے کر GLAMOURISE) )کیا جاتا ہو تو اُس سے بجز حیوانیت اور کیا توقع رکھی جاسکتی ہے۔یاسین صاحب نے کہا کہااج اس قتل ناحق کے بعد ایک بار پھر نام نہاد ہند نواز سیاست کار اور حکمران تحقیقات کا شوشا ڈال کر اپنے گناہوں کی پردہ پوشی میں مصروف ہیں۔ ہم ان سے سوال پوچھتے ہیں کہ ان کی مژھل واقعے کی تحقیقات کا کیا ہوا؟ پتھری بل سے لیکر سوپور کے ناظم رشید شہید کی بہیمانہ ہلاکت تک یہی تحقیقاتی ڈھونگ رچا گیا لیکن ملوث ظالم آفیسروں اور اہلکاروں کو سزا دینا تو دور کی بات ہے انہیں انعامات اور ترقیوں سے ہی نوازا جاتا رہا ہے۔ یاسین صاحب نے کہا کہ ہم نے پہلے بھی کہا ہے اور آج بھی کہہ رہے ہیں کہ اس ظلم و جبر اور قتل عام کو روکنے کےلئے اس فوج کا فوری اور مکمل انخلاءناگزیر ہے اور جب تک کہ یہ فوجی ہماری بستیوں ،ہمارے بیابان،ہمارے جنگلوں ،ہمارے چوراہوں ،ہمارے گاﺅں اور قصبوں میں موجود رہیں گے یہ ظلم و جبر ختم نہیں ہوگا۔ یاسین صاحب نے کہا کہ ابھی چند روز پہلے اقوام متحدہ کے انسانی حقوق کمیشن کی رپورٹ میں بھی بھارتی فوجیوں، پولیس اور فورسز کے جبر کا ذکر کیا گیا ہے جو اس بات کی غمازی کرتا ہے کہ دنیا بھی بھارتی فوج اور فورسز کے جبر و ظلم سے آگاہ ہے۔یاسین صاحب نے اقوام عالم سے اپیل کی کہ وہ کشمیریوں کی پرامن جدوجہد کی قدر کریں اور ڈھائے جارہے ظلم و جبر کو روکنے کی سعی کریں۔ یاسین صاحب نے کہا کہ جموں کشمیر کے لوگ اپنی مکمل آزادی کےلئے ایک بے مثال پرامن جدوجہد میں مصروف ہیں۔ہم نے اس راہ میں بے شمار قربانیاں دی ہیں اورت یہ سلسلہ ہنوز جاری ہے۔اس پُرامن جدوجہد کے دوران بھی ہم پر فوجی عذاب و عتاب نازل ہوتا رہا ہے لیکن اس کے باوجود یہ پُرامن جدوجہد کو نا ہی ختم ہوئی ہے اور نا ہی کمزور کی جاسکی ہے۔ہمییں اپنے جوانوں پر فخر اور ناز ہے کہ جو ہزار ہا ترغیبات) (provocationکے باوجود اپنی پُرامن جدوجہد کو جاری رکھے ہوئے ہیں۔ میری اپنے ان جوانوں سے آج بھی یہی اپیل ہوگی کہ کسی بھی قسم کی ترغیب، تحریص،ترہیب کو اپنے پایہ حقارت تلے دبا کر اپنی پُرامن جدوجہد کو منظم ،مضبوط اور وسیع کریں ۔یاسین صاحب نے کہا کہ ہمیں یاد رکھنا چاہئے کہ ہماری پرامن جدوجہد ہزاروں ایٹم بموں سے ذیادہ طاقت ور ہے اور اگر ہم نے اس کی حفاظت کی تو دنیا کی کوئی بھی طاقت ہمیں اپنی منزل سے ذیادہ دن دور نہیں رکھ پائے گی۔       ر